Ca' the yowes to the knowes,
Ca' them where the heather grows
Ca' them where the burnie rows,
My bonnie dearie.
Hark! the mavis' evening sang
Sounding Cluden's woods amang,
Then a-fauldin let us gang,
My bonnie dearie.
We'll gae down by Cluden side,
Thro' the hazels spreading wide,
O'er the waves that sweetly glide
To the moon sae clearly.
Yonder Cluden's silent towers,
Where at moonshine midnight hours,
O'er the dewy-bending flowers,
Fairies dance sae cheery.
Ghaist nor bogle shalt thou fear;
Thou 'rt to love and Heaven sae dear,
Nocht of ill may come thee near,
My bonnie dearie.
Fair and lovely as thou art,
Thou hast stown my very heart;
I can die--but canna part,
My bonnie dearie.
Listen to the song - Ouça a música
"Ca the yowes" features on a 2013 sculpture commemorating Burns outside St Michael's Church in Dumfries Willian Burnes´s farm (Robert Burns's father) Ellisland Farm where Robert Burns lived and wrote many famous works.
